Lan-kontratuaren funtsezko elementuak

Lan-baldintzen gardentasun handiagoa bermatze aldera, berriki onartutako 723/2026 Errege Dekretuak lan-kontratuaren funtsezko elementuei buruzko informazioa emateko betebeharra jasotzen duen Langileen Estatutuko 8.5. artikulua garatu du.

Zeintzuk dira lan-kontratuaren funtsezko elementuak?

Enpresek orain arte erabilitako lan-kontratuen ereduetan jasotako informazioaz gain, pasa den irailaren 9an indarrean sartutako arauak enpresek langileei eman beharreko informazio gehigarria jasotzen du.

Hurrengoak dira datu aipagarrienak:

• Soldatari dagokionez:
  • Oinarrizko soldataren zenbatekoa ez ezik, lan-kontratuak enpresak langileari ordainduko dizkion soldata-osagarri guztiak zehaztu behar ditu, bai eta horien periodikotasuna eta ordainketa-modua.
  • Ordainsari aldagarririk aplikatuz gero, lan-kontratuak hura nola kalkulatu eta hura kobratzeko irizpideak jasoko ditu.
• Lanaldiaz bezainbatean:
  • Lan-kontatuan espezifikatu beharko da, alde batetik, zein kasutan eta nola alda daitekeen lanaldiaren iraupena edota banaketa, eta bestetik, zein izango den oporraldiak finkatzeko prozedura.
  • Aparteko orduei buruzko akordioen eta ordainketaren berri eman beharko da.
• Probaldiaren inguruan:
  • Probaldiaren xedeari dagozkion enpresaburuaren eta langilearen betebeharrak finkatu beharko dira.
• Informazio gehiago:
  • Lanaldian, soldatan, lan-kontratuen azkentzeetan eragina izan dezaketen erabakietan erabilitako sistema algoritmiko edo automatizatuak.
  • Lan-kontratuak identifikatu beharko ditu: berdintasun-plana, lana eta familia uztartzeko enpresa-politika, sexu-jazarpenerako eta sexuan oinarritutako jazarpenerako protokoloa, etab.
  • Lan-kontratuak identifikatu beharko ditu: berdintasun-plana, lana eta familia uztartzeko enpresa-politika, sexu-jazarpenerako eta sexuan oinarritutako jazarpenerako protokoloa, etab.
  • Kontratuen azkentzean enpresaburuak eta langileak bete beharreko aurreabisu-epeak.
  • Hitzarmen kolektiboaren indarraldia edo indarrean dagoen ultraaktibitate-egoera.
  • Gizarte Segurantzaren erakunde kudeatzaile edo laguntzailea.
  • Pentsio-planak eta -funtsak.

Noiz eta nola eman beharko da informazio hori?

Aurreko atalean adierazitako informazioa lan-harremana hasi baino lehen eman beharko da, eta hori guztia lan-kontratuan zein hari atxikitako dokumentazioan jasoko da.

Zer kontratu mota erabili behar dute enpresek?

Lan eta Gizarte Ekonomiako Sozial Ministerioak arestian aipatu diren lan-kontratuaren oinarrizko elementuak jasotzen dituen dokumentu eredua erraztuko die enpresei baita langileei ere.