Enpresa kooperatiba bat eratzeagatik dirulaguntzak
Dirulaguntza:
Lan elkartuko edo bestelako enpresa kooperatiboak eratzea diruz laguntzea, betiere lan-bazkideak badituzte.
Onuradunak:
Kooperatiben Erregistroan 2024ko irailaren 16tik 2025eko azaroaren 17ra bitartean inskribatutako kooperatibek jaso ahal izango dituzte laguntza horiek, bi egun horiek barne.
Betebeharrak:
a)Erakundea eratzean zeuden lanpostuen edo bazkide langileen kopuruari urtebetez eustea. Aurreikusitako bazkide kopurua mantentzen ez bada, laguntza osorik edo zati batean itzuli beharko da, mantendutako bazkideen proportzioan.
b) Gizarte-ekonomiako enpresen edo erakundeen elkarte-egitura batean sartuta egotea, gutxienez hiru urtez, erregistroan inskribatzen direnetik.
c) Jasotako kopuruak banatu ezin den erreserba berezi batera bideratzea, galerak konpentsatzeko edo kooperatiba iraungi edo eraldatu arte izan ezik.
d) Kooperatiba izaten jarraitzea erregistroan inskribatu eta hurrengo hiru urteetan.
Dirulaguntzen zenbatekoa:
Dirulaguntzaren oinarrizko zenbatekoa 4.000 eurokoa izango da, langile bazkide edo lan-bazkide mugagabe bakoitzeko.
Aurreko zenbatekoari 1.000 euro gehituko zaizkio honako kasu hauetako bakoitzeko:
Emakumeak bazkide gehienak direnean.
Pertsonak % 45eko desgaitasuna edo handiagoa aitortuta duenean.
Hirugarren graduko barneratuak edo baldintzapeko liberatuak direnean.
Guraso bakarreko familiako aita edo ama denean.
Genero-indarkeriaren biktima izan denean. Laneratze-enpresa batean gizarteratzeko eta laneratzeko prozesu bat amaitu denean.
Terrorismoaren biktima izan denean, edo hildako edo baliaezintasuna duen biktima baten ezkontidea edo ondorengoa denean.
Gizarteratze-prozesuan dauden toxikomano ohiak (alkoholiko ohiak edo drogazale ohiak) direnean.
Hainbat zirkunstantzia gertatuz gero, igoerak metagarriak izango dira, bazkide bakoitzeko 6.000 euroko gehieneko mugarekin.
Dirulaguntzak ezingo du gainditu bazkide langileek harpidetutako kapitala, ezta 30.000 eurotik gorakoa izan kooperatiba bakoitzeko.
Eskabideak aurkezteko epea:
Eskabideak aurkezteko epea 2025eko urriaren 17an hasi eta 2025eko azaroaren 17an amaituko da.
Informazio gehiago: BOPV