ARETXABALETA: Errotuluak, irudi korporatiboa eta webgunea euskaraz jartzen dutenentzat dirulaguntzak.

Onuradunak:

Aretxabaletan merkataritza edo ostalaritza jarduera duten pertsona fisiko edo juridikoentzat.

Beharrezko baldintzak:

1. Aretxabaletan izatea merkataritza edo ostalaritzako jarduera.
2. Testua zuzen idatzita egotea, horretarako Aretxabaletako Udalak euskara-zerbitzuak gainbegirtzeko aukera eta gomendioa ematen du.
3. Dirulaguntza xede duen lana 2024ean egindakoa izatea.

Errotuluen kasuan:

• Errotulutzat fatxadan nahiz merkataritza edo ostalaritzako establezimenduetako ate eta kristaletan jartzen direnak hartuko dira kontuan.
• Errotuluak jardueraren berri eman beharko du dirulaguntza jaso ahal izateko; hau da, errotuluan, izenarekin batera, jardueraren izena ere agertu beharko da. Ez da emango dirulaguntzarik  ez bada, baldintza hau betetzen.
• Testua euskaraz bakarrik izatea.
• Establezimendu berrien errotuluentzat nahiz berritu diren errotuluentzat eska daiteke dirulaguntza.
• Udal-baimena jaso beharko da aurrez errotulua jarri ahal izateko.

Irudi korporatiboak:

Irudi korporatiboaren elementutzat joko dira:

1. Gutun-azalak.

2. Menbretedun orria.

3. Bisita txartelak.

4. Kartak/menuak.

5. Entitatea identifikatzeko zigilua.

6. Albaranak, fakturak…

7. Ibilgailuak errotulazioa.

Gutun-azalen, menbretedun orrietan, bisita txartelen, entitatea identifikatzeko zigiluetan eta ibilgailuen errotulazioaren kasuan, testua euskaraz bakarrik idatzita egon beharko da.

Karta/menuen edo/eta albaran/fakturen kasuan, testua euskaraz bakarrik edota euskaraz eta beste hizkuntza batean idatzita egotea.

Webguneetan:

Webgunea euskaraz bakarrik edota euskaraz eta beste hizkuntza batean edo gehiagotan idatzita egotea. Hainbat hizkuntzatan dagoenean, euskarazko testuaren portzentajea gainerakohizkuntzen bezain bestekoa izango da edo haundiagoa.

Dirulaguntzaren zenbatekoak:

1500€ordainketa bakarrean, gastua eta betebeharrak bete direla justifikatuz.

Aurkeztu beharrekoak:

Eskabidea elektronikoki aurkeztuko da, oinarri orokorretako eskabide-ereduaren arabera eta oinarri orokorretako 8. artikuluan adierazitako dokumentazioaz, honako agiri hauek aurkeztu:

Egindako gastuen jatorrizko fakturak, ordainketa-egiaztagiriekin batera.

 Horretaz gain, ondorengoak aurkeztu beharko dira kasuaren arabera:

Errotuluetan:

• Errotuluaren izena eta jarduera jasotzen duen agiria edo argazkia.

Irudi korporatiboetan

• Entitateak egin/berriztutako elementu bakoitzaren ale bat.

Webguneetan:

• Webgunearen helbidea.

Eskaerak aurkezteko epea: Azaroaren 30a baino lehenago. Eskabidea eta justifikazioa batera aurkeztu beharko dira eta dirulaguntzaren xede lana 2024an egindakoa izan behar da. Eskaera Aretxabaletako Udalean telematikoki erregistratu beharko da.

** Udaleko euskara-zerbitzuak gainbegiratzea gomendatzen da, hizkuntzaren aldetik zuzena dela ziurtatzeko.